ចែករំលែក ១តំណក់ ១ក្ដីសង្ឃឹមចែករំលែក ១តំណក់ ផ្ដល់ក្ដីសង្ឃឹម និងទឹកពិសាសុវត្ថិភាពដល់កុមារជនបទ
បរិច្ចាគឥឡូវនេះ
ចែករំលែក ១តំណក់ ផ្ដល់ក្ដីសង្ឃឹម និងទឹកពិសាសុវត្ថិភាពដល់កុមារជនបទ
នៅក្នុងខែវិច្ឆិកា ព្រះរាជាណាចក្រកម្ពុជាប្រារព្ធពិធីបុណ្យអុំទូក ដែលជាការឆ្លុះបញ្ចាំងពីការប្រទាក់ក្រឡាគ្នាយ៉ាងជិតស្និទ្ធរវាងប្រភពទឹក និងជីវភាពរស់នៅរបស់ប្រជាជន។
សម្រាប់ឆ្នាំនេះ យើងបាននាំយកស្មារតីនៃពិធីបុណ្យអុំទូកមកជាយុទ្ធនាការអនឡាញ ដើម្បីជាការរួមគ្នា រៃអង្គាសថវិកា នាំយកទឹកពិសាសុវត្ថិភាព និង ឥតគិតថ្លៃ ជូនដល់កុមារនៅតាមសាលាបឋមសិក្សាជនបទទូទាំងប្រទេសកម្ពុជា។
ចាប់ពីថ្ងៃទី ១៦ ខែតុលា ដល់ថ្ងៃទី ៣០ ខែវិច្ឆិកា សូមចូលរួមបរិច្ចាគ ដើម្បីសុខភាពកុមារនៅតំបន់ជនបទ
យុទ្ធនាការរបស់ អង្គការទឹកស្អាត១០០១
ក្នុងឱកាសព្រះរាជពិធីបុណ្យអុំទូក ឆ្នាំ២០២៦ ខាងមុខនេះ អង្គការទឹកស្អាត១០០១ ចង់បង្កើតចលនាសាមគ្គីភាពជុំវិញធនធានដ៏មានតម្លៃបំផុតមួយរបស់ប្រទេសកម្ពុជា នោះគឺ «ទឹក»។
អង្គការទឹកស្អាត១០០១ គឺជាអង្គការក្រៅរដ្ឋាភិបាលកម្ពុជា ដែលគាំទ្រផ្នែកផលិតទឹកពិសាសុវត្ថិភាពដល់សហគមន៍ជនបទ តាមរយៈសហគ្រិនភាពសង្គម។ កាលពីឆ្នាំ២០២៤ កន្លងទៅ យើងបានធ្វើយុទ្ធនាការរៃអង្គាសអំឡុងពេលព្រះរាជពិធីបុណ្យអុំទូក ហើយបានប្រព្រឹត្តទៅយ៉ាងជោគជ័យ។ ឆ្នាំនេះ ទោះបីជាព្រះរាជពិធីបុណ្យអុំទូកនៅរាជធានីភ្នំពេញ មិនបានប្រារព្ធឡើងដោយផ្ទាល់ក៏ដោយ យើងចង់នាំយកស្មារតីនេះមកជាយុទ្ធនាការអនឡាញ ដើម្បីលើកកម្ពស់ការយល់ដឹង និងការគាំទ្រចំពោះទឹកពិសាសុវត្ថិភាព។
នេះជាមូលហេតុដែលយើងចាប់ផ្តើមយុទ្ធនាការ «ចែករំលែក ១តំណក់ ១ក្ដីសង្ឃឹម» (Add Your Drop) ដែលជាយុទ្ធនាការរៃអង្គាសថវិកា និងផ្សព្វផ្សាយរយៈពេល ៦សប្តាហ៍ រហូតដល់បញ្ចប់រដូវកាលបុណ្យអុំទូក។ យុទ្ធនាការនេះមានគោលបំណងលើកកម្ពស់ការយល់ដឹងអំពី «កម្មវិធីទឹកសាលា» ដែលកំពុងផ្តល់ទឹកពិសាសុវត្ថិភាពដោយឥតគិតថ្លៃ ជូនដល់កុមារនៅតាមសាលាបឋមសិក្សាជនបទទូទាំងប្រទេសកម្ពុជា។
គោលដៅរបស់យើង៖ រៃអង្គាសថវិកាក្នុងចំនួន ២០,០០០ ដុល្លារ ដើម្បីជួយដល់កុមារនៅសាលាបឋមសិក្សាចំនួន ១០,០០០ នាក់ តាមរយៈ «កម្មវិធីទឹកសាលា»។
ឆ្នាំនេះ អ្នកទាំងអស់គ្នាក៏អាចចូលរួមបានដែរតាមរយៈ៖ បរិច្ចាគតាមលទ្ធភាព, ចែករំលែកយុទ្ធនាការនេះ, អញ្ជើញមិត្តភក្តិឱ្យចូលរួម ឬណែនាំបន្តអំពី «កម្មវិធីទឹកសាលា»។ រាល់ការចូលរួមរបស់អ្នក នឹងជួយឱ្យកុមារតាមសាលារៀនកាន់តែច្រើនទទួលបានទឹកពិសាសុវត្ថិភាព! 💧
តើអ្នកនឹងចូលរួមយុទ្ធនាការនេះដោយរបៀបណា?
Use the previous and next buttons, navigation dots, or left and right arrow keys to change slides.
ដំណើរនៃការផ្លាស់ប្តូរ
រាល់តំណក់ទឹក សុទ្ធតែមានតម្លៃ។
ចំនួនទឹកប្រាក់ត្រឹមតែ $២ ដុល្លារប៉ុណ្ណោះ អ្នកអាចផ្តល់ទឹកពិសាសុវត្ថិភាពដល់កុមារម្នាក់ពេញមួយឆ្នាំសិក្សា។.
«ទោះច្រើនក្ដី ឬតិចក្ដី ការចូលរួមរបស់អ្នក ពិតជាអាចបង្កើតនូវការផ្លាស់ប្តូរសម្រាប់កុមារ!»
តាមរយៈកម្មវិធីទឹកសាលា
ចាប់តាំងពីឆ្នាំ២០០៨ មក អង្គការទឹកស្អាត១០០១ បានផ្តល់ទឹកពិសាសុវត្ថិភាពដល់សាលាបឋមសិក្សានៅតាមជនបទ តាមរយៈបណ្តាញសហគ្រិនដែលមានទីតាំងនៅតំបន់នោះ។ កុមារគឺជាក្រុមប្រឈមខ្ពស់ជាងគេចំពោះជំងឺឆ្លងតាមទឹក ដូច្នេះការទទួលបានទឹកពិសាសុវត្ថិភាពនៅសាលារៀន គឺពិតជាមានសារសំខាន់បំផុតសម្រាប់សុខភាព និងការសិក្សារបស់ពួកគេ។ សព្វថ្ងៃនេះ យើងមានស្ថានីយផលិតទឹកសុវត្ថិភាពចំនួន ៣៥០កន្លែង នៅទូទាំងប្រទេសកម្ពុជា ដែលកំពុងដំណើរការផលិត និងចែករំលែកទឹកពិសាដែលមានសុវត្ថិភាពក្នុងសហគមន៍។សម្រាប់សាលារៀនដែលពុំទាន់មានទឹកពិសាដែលមានសុវត្ថិភាព អង្គការទឹកស្អាត១០០១ បានផ្តល់ការឧបត្ថម្ភដល់សហគ្រិនក្នុងតំបន់នោះដើម្បីដឹកជញ្ជូនទឹកពិសាសុវត្ថិភាពជូនសាលារៀនដោយឥតគិតថ្លៃ ហើយក៏ជំរុញការអនុវត្តការប្រើប្រាស់ទឹកស្អាតដល់សិស្សានុសិស្សផងដែរ។
«កម្មវិធីទឹកសាលា» ត្រូវបានបង្កើតឡើងក្រោមកិច្ចសហប្រតិបត្តិការជាមួយក្រសួងអប់រំ យុវជន និងកីឡា។ ប្លែកពីគំរូអាជីវកម្មសង្គមតាមស្ថានីយ «កម្មវិធីទឹកសាលា» គឺជាសកម្មភាពសប្បុរសធម៌១០០% ដោយផ្តល់ទឹកពិសាសុវត្ថិភាពជូនប្អូនៗសិស្សានុសិស្សនៅតាមសាលារៀនដោយឥតគិតថ្លៃ ហើយកម្មវិធីនេះដំណើរការទៅបានដោយសារជំនួយ និងការបរិច្ចាគពីសប្បុរសជន។
កម្មវិធីទឹកសាលា ទទួលបានការគាំទ្រពី ក្រសួងអប់រំ យុវជន និង កីឡា
ទឹកពិសាអូ-វី
«អូ-វី» គឺជាម៉ាកទឹកពិសារបស់អង្គការទឹកស្អាត ១០០១ ដែលត្រូវបានបង្កើតឡើងក្នុងឆ្នាំ 2012 ដើម្បីផ្តល់ទឹកដែលមានសុវត្ថិភាព តម្លៃសមរម្យ និងងាយស្រួលស្វែងរកសម្រាប់ប្រជាពលរដ្ឋនៅតាមសហគមន៍ជនបទទូទាំងប្រទេសកម្ពុជា។
ទឹកពិសាសុវត្ថិភាព «អូ-វី» ត្រូវបានផលិតឡើងនៅក្នុងសហគមន៍ផ្ទាល់ ដោយសហគ្រិនក្នុងស្រុកដែលទទួលការបណ្តុះបណ្តាលយ៉ាងត្រឹមត្រូវ នៅតាមស្ថានីយ។ ជាមួយនឹងការដឹកជញ្ជូនដល់ផ្ទះក្នុងប៊ីដុង ២០លីត្រ អាចប្រើប្រាស់ឡើងវិញបាន «អូ-វី» មិនត្រឹមតែធានានូវស្តង់ដារគុណភាពខ្ពស់ និងតម្លៃសមរម្យប៉ុណ្ណោះទេ ប៉ុន្តែថែមទាំងចូលរួមបង្កើតផលវិជ្ជមានយ៉ាងពិតប្រាកដដល់សហគមន៍ទៀតផង។
ជាមួយនឹង «អូ-វី» អ្នកមិនត្រឹមតែទទួលបានទឹកពិសាសុវត្ថិភាព និងមានគុណភាពសម្រាប់គ្រួសាររបស់អ្នកប៉ុណ្ណោះទេ ប៉ុន្តែថែមទាំងបានចូលរួមគាំទ្រសហគ្រិនក្នុងស្រុក ជំរុញជីវភាពសហគមន៍ និងរួមចំណែកក្នុងប្រព័ន្ធវដ្តបិទ ឬ ប្រព័ន្ធរបត់បិទ (Closed-loop) ដែលជួយកាត់បន្ថយការប្រើប្រាស់ប្លាស្ទិកប្រើបានតែម្តង (Single-use plastic) ផងដែរ!
បច្ចុប្បន្ន «អូ-វី» (O-we) មានវត្តមាននៅតាមបណ្តាខេត្តចំនួន ១៨ រួចមកហើយ តាមរយៈស្ថានីយផលិតទឹកពិសាសុវត្ថិភាពក្នុងស្រុកប្រមាណ ៣៥០កន្លែង!.
ចំនួនទឹកប្រាក់រៃអង្គាសបាន
រាល់ការបរិច្ចាគ ជួយនាំយកទឹកពិសាសុវត្ថិភាព ទៅដល់កុមារនៅតាមសាលារៀនជនបទក្នុងប្រទេសកម្ពុជា។
$15ថវិកាទទួលបាន
$20,000គោលដៅ
0.1% នៃថវិកាគោលដៅ
ចេញពីខេត្តបាត់ដំបង ដើម្បីកុមារកម្ពុជា
សម្រាប់យុទ្ធនាការ «ចែករំលែក ១តំណក់ ១ក្ដីសង្ឃឹម» អង្គការទឹកស្អាត១០០១ មានមោទនភាពក្នុងការសហការជាមួយ Jérémie KC ដែលគេស្គាល់ថា Pu Barang ជាអ្នកបង្កើតមាតិកាជនជាតិបារាំងមកពីខេត្តបាត់ដំបងដែលមានអ្នកតាមដាននៅលើ Facebook 2.6 លាននាក់, TikTok 3.4 លាននាក់ និង YouTube 325,000 នាក់។.
ចេញពីខេត្តបាត់ដំបង ជាមួយនឹងគោលដៅរួមមួយក្នុងការជួយសហគមន៍ជនបទ «ពូ បារាំង» បានចូលរួមយ៉ាងសកម្មក្នុងការអភិវឌ្ឍសហគមន៍ សេដ្ឋកិច្ចមូលដ្ឋាន និងលើកស្ទួយវប្បធម៌ក្នុងស្រុក ខណៈដែលអង្គការទឹកស្អាត១០០១ បាននិងកំពុងបំពេញបេសកកម្មជាមួយសហគមន៍ជនបទទូទាំងប្រទេសកម្ពុជាអស់រយៈពេល ២០ឆ្នាំមកហើយ។
តាមរយៈទស្សនវិស័យប្លែកពីគេ និងភាពកំប្លុកកំប្លែងរបស់គាត់ ពូបារាំងនឹងនាំបងប្អូនឲ្យស្គាល់កាន់តែច្បាស់ អំពី វប្បធម៌ ប្រពៃណី អាហារ និងជីវភាពរស់នៅប្រចាំថ្ងៃរបស់ជនជាតិខ្មែរ ព្រមទាំងនាំយកសារ «សារសំខាន់នៃទឹកពិសាសុវត្ថិភាពសម្រាប់កុមារ» និងអំពាវនាវឱ្យអ្នកគ្រប់គ្នាចូលរួម «ចែករំលែក ១តំណក់» ទាំងអស់គ្នា។ ចែករំលែក ១តំណក់ ១ក្ដីសង្ឃឹម សម្រាប់មនុស្សរាប់លាននាក់។
«ប្រសិនបើសំឡេងរបស់ខ្ញុំ អាចរួមចំណែកបំផុសស្មារតីអំពីសារសំខាន់នៃទឹកពិសាសុវត្ថិភាពសម្រាប់កុមារ នោះខ្ញុំពិតជាមានមោទនភាពដែលបានចូលរួមក្នុងយុទ្ធនាការនេះ”
— ពូ បារាំង
តាមដាន Pu Barang: Facebook · TikTok · YouTube
ទស្សនា ភោជនីយដ្ឋាន KC និងសារមន្ទីរ Heritage Gallery ក្នុងក្រុងបាត់ដំបង
ចូលរួមជាមួយយុទ្ធនាការចាប់ពី
រហូតដល់ថ្ងៃព្រះរាជពិធីបុណ្យអុំទូក យើងមានពេល ៦សប្តាហ៍ ដើម្បីចូលរួមក្នុងយុទ្ធនាការនេះ។
រាល់ការបរិច្ចាគ ជួយនាំយកទឹកពិសាសុវត្ថិភាព ទៅដល់កុមារនៅតាមសាលារៀនជនបទក្នុងប្រទេសកម្ពុជា។
បរិច្ចាគចែករំលែកយុទ្ធនាការនេះជាមួយមិត្តភក្តិ សាច់ញាតិ និងមិត្តរួមការងាររបស់អ្នកបន្ថែម។
រាល់ការចូលរួមបន្តិចបន្តួចគឺពិតជាមានសារៈសំខាន់។ ចូលរួម «ចែករំលែក ១តំណក់» របស់អ្នកឥឡូវនេះ!
សំណួរដែលសួរជាញឹកញាប់
«ចែករំលែក ១តំណក់ ១ក្ដីសង្ឃឹម» គឺជាយុទ្ធនាការរៃអង្គាសថវិកា ដែលរៀបចំឡើងដោយអង្គការទឹកស្អាត១០០១ ចាប់ពីថ្ងៃទី ១៦ ខែតុលា ដល់ថ្ងៃទី ៣០ ខែវិច្ឆិកា ឆ្នាំ២០២៦ ក្នុងឱកាសព្រះរាជពិធីបុណ្យអុំទូក ដើម្បីគាំទ្រ «កម្មវិធីទឹកសាលា»។
ទោះបីជាព្រះរាជពិធីបុណ្យអុំទូកនៅរាជធានីភ្នំពេញ មិនបានប្រារព្ធឡើងដោយផ្ទាល់ក៏ដោយ ប៉ុន្តែយើងចង់បន្តស្មារតីនេះ ដោយរួបរួមគ្នាដើម្បីនាំយកទឹកពិសាសុវត្ថិភាពជូនដល់កុមារនៅកម្ពុជា។
គោលដៅរបស់យើង គឺរៃអង្គាសថវិកាឱ្យបានចំនួន ២០,០០០ ដុល្លារអាមេរិក ដោយស្វាគមន៍ក្រុមហ៊ុន ដៃគូ និងសប្បុរសជននានាចូលរួមក្នុងចលនានេះដើម្បីរួមចំណែកបរិច្ចាគឱ្យបានកាន់តែទូលំទូលាយ។
ជាមួយការគាំទ្រពីលោក Jérémie KC (ពូ បារាំង) ព្រមទាំងបណ្តាញសហគ្រិនក្នុងសហគមន៍ក្រុមការងារ ដៃគូសហការ និង អ្នកចូលរួមទាំងអស់ យើងរួមគ្នាបន្តចែករំលែកសារនេះ ឱ្យបានកាន់តែទូលំទូលាយដើម្បីបង្កើតបានជាផលវិជ្ជមានសម្រាប់កុមារជនបទ។
អង្គការ ទឹកស្អាត១០០១ គឺជាអង្គការមិនមែនរដ្ឋាភិបាលក្នុងស្រុកមួយ ដែលធ្វើឲ្យប្រសើរឡើងនូវសុខភាពសហគមន៍នៅទីជនបទប្រកបដោយនិរន្តភាព តាមរយៈគំរូសហគ្រិនភាពសង្គម។
អង្គការ ទឹកស្អាត១០០១ បង្កើតស្ថានីយទឹកពិសាសុវត្ថិភាពក្នុងសហគមន៍, ជ្រើសរើស និងបណ្តុះបណ្តាលសហគ្រិនដើម្បីផលិត និងចែកចាយទឹកពិសាសុវត្ថិភាពដែលមានតម្លៃសមរម្យទៅកាន់សហគមន៍និងតាមដានគុណភាពទឹក ដើម្បីធានាទឹកមានគុណភាព និង សុវត្ថិភាព អាចពិសាបាន។
នាពេលបច្ចុប្បន្ននេះ យើងមានស្ថានីយផលិតទឹកពិសាចំនួន 350 កន្លែង នៅក្នុង 18 ខេត្ត កំពុងបម្រើប្រជាពលរដ្ឋជាង 1.4 លាននាក់ រួមទាំងកុមារនៅសាលាបឋមសិក្សាផងដែរ។
ក្រៅពីម៉ូដែលគំរូស្ថានីយផលិតទឹកពិសាដែលមាននិរន្តភាពរបស់យើង យើងក៏កំពុងអនុវត្តកម្មវិធី«កម្មវិធីទឹកសាលា» ដែលជាកម្មវិធីសប្បុរសធម៌ ១០០% ក្នុងការនាំយកទឹកពិសាសុវត្ថិភាពដោយឥតគិតថ្លៃ ជូនដល់សិស្សានុសិស្សនៅតាមសាលាបឋមសិក្សាដែលនៅជិតស្ថានីយទឹករបស់យើង។
ថវិកាបរិច្ចាគរបស់អ្នក នឹងចូលរួមគាំទ្រ «កម្មវិធីទឹកសាលា» សម្រាប់ឆ្នាំ ២០២៦–២០២៧ ដោយធានាផ្តល់ទឹកពិសាសុវត្ថិភាពយ៉ាងតិច ០,៦ លីត្រ ដល់កុមារម្នាក់ៗក្នុងមួយថ្ងៃសិក្សា នៅតាមសាលារៀនដៃគូជាង ១,០០០ កន្លែងរបស់អង្គការ ទឹកស្អាត១០០១ ទូទាំងប្រទេសកម្ពុជា។
ក្នុងឆ្នាំសិក្សា ២០២៦–២០២៧ នេះ យើងរំពឹងថានឹងអាចនាំយកទឹកពិសាសុវត្ថិភាព ទៅដល់កុមារប្រមាណ ៣៧០,០០០ នាក់នៅទូទាំងប្រទេសកម្ពុជា។
ថវិកាបរិច្ចាគរបស់អ្នក នឹងជួយសម្រាលបន្ទុកថ្លៃចំណាយរបស់សហគ្រិនក្នុងសហគមន៍លើការផលិត និងដឹកជញ្ជូនទឹក ព្រមទាំងការត្រួតពិនិត្យគុណភាពទឹក ការគ្រប់គ្រងប៊ីដុងប្រើប្រាស់ឡើងវិញ និងដំណើរការកម្មវិធីនេះជាបន្តបន្ទាប់ជាបន្តបន្ទាប់។
ទឹកត្រូវបានផ្តល់ជូនដោយឥតគិតថ្លៃដល់សាលារៀន។
សម្រាប់អ្នកនៅក្នុងប្រទេសកម្ពុជា៖ ចូលទៅកាន់ទំព័របរិច្ចាគ រួច ស្កែន ABA QR code ដើម្បីបរិច្ចាគថវិកាតាមចំនួនដែលអ្នកស្ម័គ្រចិត្ត។
ប្រសិនបើអ្នកជាអ្នកផ្តល់ជំនួយអន្តរជាតិ អ្នកអាច បរិច្ចាគតាមរយៈ 1001fontaines, ដែលជាដៃគូនៅប្រទេសបារាំងរបស់យើង និងជាអ្នកទទួលថវិកាបរិច្ចាគជំនួសពីក្រៅប្រទេស។ នៅពេលធ្វើការបរិច្ចាគ សូមចុចលើ “Donating to Cambodia for the Add your Drop campaign” នៅខាងក្រោមព័ត៌មាននៃការទូទាត់របស់អ្នក ដើម្បីឱ្យថវិការបស់អ្នកត្រូវបានបញ្ជូនផ្ទាល់ទៅកាន់យុទ្ធនាការនេះ។
ប្រសិនបើអ្នកជួបប្រទះបញ្ហាណាមួយ សូមទាក់ទងមកយើងខ្ញុំ។
មានវិធីជាច្រើនដើម្បីចូលរួមបន្ថែមក្នុងយុទ្ធនាការនេះ៖
ចែករំលែក ១តំណក់ ផ្ដល់ក្ដីសង្ឃឹម និងទឹកពិសាសុវត្ថិភាពដល់កុមារជនបទ។
ដៃគូសហការរបស់យើង
